Ka Seng Samla Balang Katholik Mihmyntdu ryngkat bad ka jingïatreilang bad ka Jingïaseng Samla Balang Presbyterian Mihmyntdu bad ka Ai-jingim Foundation, mynta ka sngi kata 30-09-2023 kila pynlong ïaka Blood Donation Camp ha RC Eve Secondary School Mihmyntdu.
Kum ban shu pynkynmaw kane ka dei ka sien kaba San ba ka Seng samla Balang Katholik Mihmyntdu kala pynlong ïa kum kane ka prokram ha ryngkat bad ka jingïatreilang bad kiwei de ki organisation.
La sdang ïa kane ka program da ka jingïalum lang hapoh RC Hall ha kaba la don ka program ba lyngkot ïa kaba la pynïaid da u ma Fredrick Synnah, Chairman Parish Pastoral Council ka Jowai Parish.
Ha kane ka prokram la ïoh ïa ki jingkren na ki nongshah khot sngewbha kiba kynthup ïa u ma Octomewot Lamin, nominated MDC, ryngkat ka jingïa don lang u Fr. Hilarious Lamare, Parish Priest Jowai Parish, ka Dr. P. Shylla Senior Medical Officer in-charge Blood Bank Jowai, u Dr. D. Shylla, District Medical Officer East Jaiñtia Hills, u Bah Phillip P. B Marwein, Founder Member ka Ai-jingim Foundation, u Rangbah Shnong ka Mihmyntdu u Ma Abul Phawa, u Samla Emanuel Sumer, Chairman ka Jingïaseng Samla Balang Presbyterian Mihmyntdu, ki Nongïalam ka Balang Katholik Mihmyntdu bad kiwei de ki nongshah khot sngewbha.
Haba ai jingkren u Nominated MDC u ma O. Lamin ula ai ka jingïaroh ïa kine ki ar tylli ki Seng kiba la shim ïa kane ka sien jam ba khraw ban len ïalade na ka bynta ban ai jingim ïa kiwei. Ula kyntu shuh shuh ruh ïa ki nongpynïaid ba ki dang donkam ruh ban kham pynïar shuh shuh ïa ki awareness halor kane ka phang khnang ba ki briew kin ym sheptieng ban ai snam.
U Bah Philip Marwein, Founder member ka Ai-jingim Foundation u la ong ba ka snam ka dei ka jingaiei ba kyrpang jong u Blei kumta ngi ruh ngi donkam ban ai ei ïa ki parabriew kiba donkam jingïarap.
Ha kaba kut jong ka program la ïoh ruh ïa ka jongsam ïa khusnam ïa ka nongjop jong ka drawing competition ba la pynïaid da ka Seng samla Balang Katholik ïa kaba la sam da u Guest of honor u Ma. O Lamin.
