Ka Khasi Student’s Union (KSU) Nangbah Unit hynnin ka sngi 2 tarik kala ïoh ban pynkup burom ïa kumba 35 ngut ki khynnah skul ba pass bha ba kynthup naduh ka kyrdan SSLC, HSSLC, Degree bad Master Degree jong u snem 2022-2023. Ka seng kala ïoh ruh ban pynthymmai ïa ki nongkitkam jong ka Unit na ka bynta ka samoi treikam 2023-26.
Ha kane ka sngi la ia don lang ruh naduh ki Nongialam jong ka seng kum u Samla Chanbor War, Vice President KSU West Jaiñtia Hills District Unit, Samla Streamly N Suchen, President KSU East Jaiñtia Hills District Unit ha ryngkat ka jingïadon lang ki riew rangbah na ka shnong kum u ma Hamran Susngi, ma Hunlang Lamare, Secretary dong Iawmusiang Nangbah, ma Gresentus Susngi bad kynthup ïa u ma Tonroi Iongwai, Waheh Shnong Nangbah, Samla Shiningstar Kharbihkhiew (Evironment Secretary KSU CEC) kum u Symbud Kongsan bad u ma Budsuk Sungoh (State of Soil Survey Officer) kum u kongsan.
Haba ai jingkren ha kane ka sngi na ka liang jong u ma Sungoh ula ïathuh nyngkong ïa ka jingïaid lynti jong u kum u khun jong ka shong mynba u dang long kum u khynnah skul mynba u dang rit ha ka shnong tad haduh ba u la poi sha ka kyrdan kum u officer, ula kyntu ïa ki khynnah skul ba ki dei ban nangiai trei shitom ha ki jingpule khnang ba ma ki ruh kin poi sha ki kyrdan officer la ha kino kino ki Deparrment.
Shuh shuh ula kyntu ruh ïa ki nong shong shnong jong ka shnong baroh kawei u da ong ba u da thrang eh ba kumno un leh ban wan rah ïa ka jingkylla ne ban wanrah nangne shakhmat ba ngi dei ban don ïa ka jingsngewthuh jingmut ban wan rah ïa ka jingïa tylli ha baroh ki liang kum ka shnong ka thaw. La pynphuh pynphieng ïa kane ka Programme da ki jingshad tynrai na ki khun Samla jong ka dong Nangtidiang.
Ka seng haba ai jingkren na u Samla Morningstar Pasi kum u President KSU Nangbah Unit ula ong ba naduh ba la seng ïa ka seng hapoh ka shong Nangbah ki don ïa ka thong ba ha khmat eh kata ka long ban wanrah ia ki jingkylla hapoh ka shnong ka thaw naduh ki dong ki shnat bad khamtam ha baroh kawei ka shong ka thaw.
Ka seng kum ba long mynta ha ryngkat ka jingïa trei lang bad ki bor jong ka shong kila ïoh lad ban pyrshang ban pyndep ïa shibun ki kam hapoh ka shnong ka thaw bad kumba long mynta ka seng ka dang don ïa ki issues kiba bun kiba dang sah teng kiba yn sa pyndep.
La khmih lynti ba lyngba kane ka body kaba thymmai kaba mynta kyrmen ba kino kino ki issues kiba dang sah teng kum ka seng kan pyrshang ban pynurlong ban pyndep na ka bynta ka jingmyntoi jong u paitbah nongshong shnong bad kumjuh jong ka shong ka thaw baroh kawei.