Ka National Career Service Centre for Differently Abled (kaba la ju tip myshwa kum ka VRC) ka tnad treikam kaba kham hapoh bad kaba hap hapoh ka jingpeit ka Directorate General of Employment (DGE), Ministry jong ka Labour and Employment ka sorkar pdeng, Shillong. Naduh ba sdang ia kane ka Centre ha ka jylla Meghalaya, ka la trei na ka bynta ka jingbha jingmiat jong ki briew kiba don ki jingduna ha ki dkhot met (Divyangjan) lyngba ki jingiasyllok, ban pynshong nongrim ia ka jinglong jong ki, ban ai ha ki ia ka jingim kaba don jingmut bad jingkyrmen bad kiwei kiwei pat kum ki presentation, ki workshop, ki jingiaphylliew jingmut khnang ban wanrah ia ki sha ka jingim kumba long lem kiwei pat ki para briew.
Kane ka Centre ka la pynlong ia ka Swachhata Hi Seva (SHS) programme naduh ka 15 tarik u Nailur, 2023 haduh ka 2 tarik u Risaw 2023 bad ka la leh shibun ki kam kum ka jingpynkhuid ia ki tnad treikam, ki shnong ki thaw, ki lynti syngkieng bad kiwei kiwei ban wanrah ia ki kynhun ne seng ha ki shnong ki thaw ban pynsngewthuh ia ki briew lyngba ki jingialap paidbah ba kyrpang kum ka shramdaan, kaba weng noh ia ki jingbuh ryntih (files) ki bym myntoi shuh, ki jingialehkai skit, eassy , ki quiz competition bad kiwei kiwei de da ka jingiashim bynta bar hem jong ki nongtrei, ki ba shah hikai, ki khynnah skul bad ki dkhot jong ki shnong ki thaw.
La don ka jingsam ia ki prize na ka bynta ki jingiakob bapher bapher bad baroh kiba ia shim bynta ki la pule ia ka soskular jong ka Swachhata ha ka 2 tarik u Risaw, 2023 ban pynneh ia ka jingkhuid jing suba hapoh ka Swachha Bharat Abhiyan 3.0, kaba dei ban pynlong naduh ka 3 tarik u Risaw haduh ka 31 tarik u Risaw, 2023.
