Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Nangbah Iawmusiang kala pynliem da 2-0 ïa ka Shangpung Moosyiem, ïa ki kol na ka Nangbah Iawmusiang la thep da u Kynsaibor Dkhar haka minit ba 34, bad u Dawanbiang Passah haka minit ba 55.
Ka jingïakhun ha ka 5.10.2023 kan long hapdeng ka Sohmynting pyrshah ïa ka Khliehïongriang haka por 2 baje nohphai sngi.