Ka office treikam jong u Deputy Commissioner (Planning), ka West Garo Hills District ka la pynlong ia ka Capacity Building Programme ba 3 sngi na ka bynta ki nonghikai, ban pynkhreh ia ki kumno ban leh ha kaba iadei ba ki medical emergencies ha ki skul, kaba la sdang ha ka 4 tarik u Risaw, 2023 ha SMELC, Dakopgre, Tura.
Ka jingthmu jong kane ka program ka long ban pynkhreh ia ki nonghikai kumno ban leh kaba iadei bad ki medical emergencies ha ki skul, haba don ki jingjia kum ka jingkyllon bad jingbym tip briew ki khynnah skul, haba ioh heat stroke, bym lah ring mynsiem bad kumta ter ter. Kane ka program kan iarap ban pynlah ban sngewthuh ia ka jingtrei kam ka jingmut jingpyrkhat jong ki khynnah, kumno ban leh bad ki khynnah kiba donkam ia ka jingiarap ba kyrpang.
Hapdeng kane ka program ba 3 sngi lynter, yn ai jinghikai sha ki nonghikai bad ki khynnah skul ba la phah ban shim bynta ha kane ka program ha kaba yn phiah ia ki ha ki kynhun na ka bynta ban lah ban pynioh ia ka jingthrang bad ban pynsaphret ia ki jingtip.
Ka phang pdeng jong kane ka program ka long ‘deal beyond the children’s needs’. Nalor ka jingai jinghikai bad jingtip jingstad ia ki khynnah skul, kane ka jingai jinghikai (training) kan pynkham bor ruh ia ki nonghikai ban peit bad ki jingjia ba kyrkieh (emergency) ki khynnah skul la pynskhem u Winje R.G. Momin, uba long u Deputy Commissioner bad District Planning Officer. Ki nongai jinghikai na ka bynta kane ka training program ba 3 sngi ki long i Dr Gandira Ch Marak, Senior Medical and Health Officer, i ban ai jinghikai halor kumno ban pyniaid ia ki medical emergencies ha ki skul, I Sister Packia Mary in kren kumno ban leh bad ki khynnah kiba donkam ia ka jingiarap ba kyrpang, bad i Narbecca Momin, iba long i Clinical Psychologist in kren halor ka jingpule ia ka phang ka shongkha shongman (reproductive and sexual health) ha ryngkat ka jingkhmih ia ki jingmut jingpyrkhat ki khynnah.
