Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Sohmynting kala pynliem da 2-1 kol ïaka Khliehïongriang, ïa ki kol na ka Sohmynting la thep ar kol marwei da u Spain Ryngkhlem haka minit ba 28 & 58. Katba na ka Khliehïongriang la thep da u Founder Passah haka minit ba 34.
Ka jingïakhun haka 6.10.2023 kan long hapdeng ka Wahiajer pyrshah ïa ka Dulong haka por 2 baje nohphai sngi.