Ka office i District Social Welfare Officer, East Khasi Hills District ka la rakhe ia ka International Day of Older Persons 2023 ha ka jingialang kaba la long ha Neng Gate Community Hall, Pynursla ha ka 4 tarik u Risaw, 2023. Ka phang pdeng na ka bynta kane ka jingrakhe ka long “Fulfilling the Promises of the Universal Declaration of Human Rights for Older Persons: Across Generations.”
La ia don lang ha kane ka program i kong E. Warjri, Sub Divisional Officer, Pynursla Civil Sub-Division, Pynursla kum i Kongsan ha ka jingiadon lang i kong E. Kharchandy, District Social Welfare Officer, East Khasi Hills District, ki nongtrei sorkar na ka tnad District Medical and Health Officer, East Khasi Hills District, ha ryngkat ka jingdonlang i District Child Protection Officer ka Pynursla Civil Sub-Division, bad ki riew rangbah ka shnong Pynursla.
Ka bynta kaba kham kongsan eh ha kane ka sngi ka long ka jingai jinghikai halor ka sobjek “Ki kam kiba ia dei bad ka koit ka khiah jong ki briew kiba la rangbah” (Matters related with health issues concerning the Senior Citizens) bad “Ka jingkyrshan bad ka jingbha jingmiat jong ki kmie ki kpa bad ki briew kiba la rangbah, Act, 2007” (Maintenance & Welfare of Parents and Senior Citizens Act, 2007). La don ruh ka jingpeit bniah bad eksamin ia ki briew kiba la rangbah khlem da hap ban siew eiei, bad la sam ruh ia ki jingai sngewbha sha baroh ki riew rangbah kiba la wan ban ia shim bynta ha kane ka program.