Mynta ka sngi u Myntri Rangbah ka jylla u Conrad K. Sangma ula plie ia ka prokram ba la tip kum ka SHG Mega Camp cum Health camp ha shnong Khliehtyrshi. Kane ka prokram ka long ruh shi bynta ban rakhe ia ka jingdap 50 snem ka jingioh jylla ba pura jong ka Meghalaya ha ka 21.01.22 bad ruh ka jingiohlaitluid ba 75 snem jong ka India.
Ha kane ka sngi la iadonlang u MLA ka thaiñ u ma Wailadmiki Shylla, u Sampath Kumar IAS Principal Secretary of Community & Rural Development bad u bah R. Kynta Chief Operationg Officer ka Meghalaya State Rural Livelihood Society.
Haba kren u Myntri Rangbah ula pynkynmaw ia ki ar tylli ki prokram kiba ka sorkar kala iarap ban pynduh ia ka jingkyrduh ha ki iing ki sem da ka jingailad ia ki kynthei ban ia tynrong lem ia ka kam ka jam hapoh kaba ailad lyngba ka National Rural Livelihood Mission, ki Self Help Group bad ka FOCUS ha kaba la pynioh jingiarap haduh Rs.5000/- tyngka marwei.
U Sampath Kumar, Principal Secretary Community & Rural Development, Department ula pynkynmaw ia ka kam kaba kongsan kaba ki Self Help Group ki don ban leh. U la ong ruh ba ka long kaba donkam bha ban ailad ia ki kynthei na kano kano ka longing ban long kum ka dkhot hapoh ki SHG khnang ba yn lah ban kyntiew ia ka jinglong jingman jong ki kynthei hapoh ki shnong ki thaw. U la pynkynmaw ba hapoh ka kane ka Thadlaskei Block ki don kumba 1200 tylli ki SHG bad 90 tylli ki Cluster Level SHG. U pynpaw ka jingkyrmen ba lyngba ki SHG lah ban weng ia ka jingduk jingkyrduh hapoh ka shnong ka thaw.
Na ka liang u Kongsan ula sam ruh ia ki khsnam bad Memento sha ki VOs, SHGs bad sha ki nongioh bynta.
La mang ruh ban pynioh jingiarap kumba Rs.15 lak tyngka sha ki 15 tylli ki Village Organisation (VOs) na ka bynta ka Vulnerable Reduction Fund (VRF) hapoh ka Community Fund bad Rs.56.50 lak sha ki 11 ki VOs na ka Community Investment Fund (CIF).
Kala don ruh ka jingpynioh Loan da ka Meghalaya Rural Bank sha ki 82 tylli ki SHG kaba kot shaduh Rs.82 laks. Na ka bynta ka FOCUS skhim sha ki 46 tylli ki kynhun nongpynmih mar ki ban ioh haduh Rs.29.90 lak
Ka la don ruh ka jingpyni iew (Exhibition) ia ki mar ki ba la pynmih da ki SHG jong ka Thadlaskein C&RD bad ki don haduh 18 tylli ki stall ha kane ka iew.
Ia kane ka prokram la pynlong da ka Block Mission Management Unit (BMMU) Thadlaskein C&RD Block Thadlaskein bad la pyniaid ia ka jingialang da i kong B. Blah, BDO, Thadlaskein.
