U myntri rangbah ka jylla u Conrad K Sangma mynta ka sngi haka jingwan ka jong u ha nongbah Jowai ban plie ia ka CM-Elevate kaba la long ha ka District Library Jowai. hadien ba la dep kane ka program u Myntri raangbah ryngkat bad u MLA ka Jowai u ma Wailadmiki Shylla, u leit ban ia kynduh ia ki nongkit kam ka Kiang Nongbah Government College Jowai kumjuh ruh ia ka Jowai Civil Hospital kaba don ha Ialong.
Na ka liang myntri rangbah hadien ba u la ioh ban ia kynduh ia ki nongpeit bad nong pyniad jong kitei ki ar tylli ki jakam haba kren sha ki lad pathai khubor u la ong ba kane ka jingleit jngoh ka jong u ia kine jaka kiba donkam bha ka long hadien ka jingkyntu na ka liang u MLA ka Jowai ban leit jngoh ia ki. Sa kawei ka jingleit jngoh ia kum kine ki jaka ba donkam kiba ba don ha man la ka Head Quarter jong ka jylla ka long kaba la dep ban ia pynbeit bad ki cabinate minister kumjuh ruhki MLA ban leit jngo ia kum kine ki jaka. U la ong ruh kum ka sorkar ka kwah ban iohi kumo ka jingiaid ki kam ha kum kine ki jaka kiba dei ia ka koit ka khiah bad ka pule puthi.
U la ong ba la iohi ka jingdohkam ne ki jingduna kum ha ka Kiang Nongbah Collegem ka dang don kam shuh ia ki karma shong klass bad kiwei kumjuh ka jingdonkam ha ka Civil Hospital kum ia ka bor ding, ki nongtrei ki specialist doctor bad kiwei de. Ha ka jigniadei bad kine ki jingduna na ka liang jong u u kyntu ia u MLA ban ia shong jingialang na ka bynta ban buh da ka jingthoh bad liet aiti sha ka sorkar khang ban ioh ban leh ia kaba donkam.