Ka District Level Children’s Science Congress kaba don ia ka matpdeng “Understanding Eco-System for Health & Well Being” la pynlong mynta ka sngi (18th October, 2023) ha District Library Auditorium, Mynthong, Jowai da ka State Council of Science, Technology and Environment (SCSTE), Meghalaya Shillong ha ryngkat ka jingiatreilang bad ka ophis District Planning Office, West Jaintia Hills District, Jowai bad la bei pisa da ka National Council of Science and Technology Communication, Department of Science Technology, Government of India bad ka Planning Department, Government of Meghalaya.
Ki kynhun ba la shah jied ban mihkhmat ia ka District sha ka State Level ka ban sa long ha ka 14 bad 15 tarik u November, 2023 ha Shillong College, ki kynthup ha ka Junior category ka Marian Hills Higher Secondary bad ha ka Senior Category ka St. Peters Secondary School, Barato, Modern Secondary School, Ialong, North Liberty Higher Secondary School, Jowai bad ka Adventist Higher Secondary School, Khliehtyrshi.
U bah Dayamon Diengdoh uba dei u Programme Office jong ka State Council of Science, Technology and Environment, Shillong ula ai mynsiem ia ki khynnah skul ba kin iashim bynta shit rhem bad shim ia ka kabu ban pyniar shuh shuh ia ka jingtip bad ka jinglah jong ki. U Prof. bah C.P. Syiem (Rtd Research Officer. S&T Cell. Planning Department) bad u Rahul Chatterjee u dkhot jong ka Core Committee, SCSTE & teacher, Jail Road boys Higher Secondary School, Shillong kila long ki nongbishar ha kane ka jingiakop.