Ka Khasi Student Union (KSU), Thadlaskeiñ Unit, hapoh ka jingialam u President ryngkat ki dkhot jong ka seng, ha ka 6 tarik u Naiwieng 2021 ka la ioh ban leit ai jingiarap da ki marbam mardih sha ki 3 (lai) tylli ki longïing kiba don hapoh ka Shnong Mukhla Nongrim. Ar tylli ki dei ki longïing kiba sah Khunswet bad kawei pat ka dei ka longïing kaba duk kaba shong ba sah ha i ïing trep ïing skum.
Na ka liang jong ka seng la ioh ban ai jingiarap bad ka kitbok kitrwiang ia kine ar tylli ki longiing kiba sah khunswet.
Ha kane ka sngi ka seng ka la ioh lad ruh ban iakren bad kitei ki longïing kumjuh ka Seng ka la kylli pyrthew ba la don ne em ki skhim sorkar kiba kane ka longïing ka ioh. Hynrei kaba sngewsih ka long ba wat lada man ka por na ka liang kiba dei peit jong ka shnong ki pan ki EPIC ki Passbook ban pynioh scheme hynrei wat tang iwei i tin sopïing ruh kim pat ju ioh la ong kitei ki longïing.
Kumta ka seng ka la shim ka rai ban iarap ruh ia ki nangne shakhmat ban pynioh ia kaba ki dei hok ban ioh ha ryngkat ka jingkitbok kitrwiang ia kitei ki longing. Kane ka long katkum ka kyrwoh na u samla Rimiki K.Syntiew, Publicity Secretary ka KSU Thadlaskeiñ Unit.
