Ka ELaka Lakadong Sports Association (ELSA), H:Q-Lakadong Umlatdoh Village, East Jaintia Hills District, shen kan sa sdang ïa ka lympung ialehkai phutbol kaba tip kum “3rd Elaka Lakadong Knockout Football Tournament 2023-2024”.
Kane ka lympung ka long kum shi bynta ban pynshlur iaki khun samla jong ka Elaka kiba don ka sap ka phong ha ki kam ialehkai sports kumjuh ban don ka jingia tylli bad ka jingithuh iwei ia iwei hapoh ka Elaka.
Kumta ka Association ka khot sngewbha baroh ki shnong bad ki club shnong kiba don hapoh Elaka ban iashim bynta ha kane ka Tournament ha kaba yn don ruh ka khusnam na ka bynta ka kynhun kaba ioh rah ne jop phainal ka ban long Rs. 50,000 tyngka ryngkat ka Trophy katba ia kaba sha rem ne poi ha ka kyrdan kaba ar jong kane ka lynpung kan ioh rah ia ka song pisa ba Rs. 30,000 tyngka ryngkat ka trophy.
Ka bai Entry fee ka long Rs.3500/- na ka bynta kawei ka team ne ka kynhun, bad ki team baroh kin long 16 tylli. Ka Tarik ba khatduh ban pynpoi ia ka bai rung (entry fee) ka long ha ka 31/10/2023 hashwa ban pynkhalai nusib ïa ki team ha ka 4/10/2023 ha shnong Umlyngsha haka por 2:30 pm, na ka bynta ka madan ban pynïalehkai yn sa pyntip hadien, kane ka long katkum ka khubor kaba la pynlait lyngba u N. L. Talang, General Secretary ELSA.