Ka jingïalehkai phutbol haka kyrdan Super Division Football Tournament 2023 ba la ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium, Dongmihsngi Jowai.
Ha kane ka jingïakhun ka kynhun ïalehkai jong ka Mukhla Raij kala pynliem da 2-0 kol ia ka Shangpung Lumiawmushai, ïa kitei ki kol na ka Mukhla Raij la thep da u Teddy Bang haka minit ba 47 bad u Lambor Lyngdoh ula thep ïa ka kol kaba ar haka minit ba 90.
La pyntip ba ka jingïakhun lashai ka sngi 24.10.2023 kan long hapdeng ka 7 Wasa United pyrshah ïa ka Khimusniang haka por 2 baje nohphai sngi.