Ka Khasi Students Union (KSU), Namdong Area Unit mynha ka sngi Saitjaiñ (06/11/21) kala pynkup burom ia 42 ngut ki samla pule kiba pass ia ka SSLC & HSSLC kum shibynta ban ai mynsiem bad pynshlur shuh shuh ia ki ba kin don ia ka mynsiem jingialeh ha ka liang ka pule puthi.
Ha shwa ban sam ia katei ka khusnam ladon ka jing ialang bala pyniaid da u President u samla Chanbor War bad la kren pdiang burom da u General secretary u samla Juhhi Tariang la iadon lang ki nong ialam ka sengkmie bad jong ka JHDU naduh u Vice President Central Executive Council u samla Biangbor Paliar, samla Sonstar Nongkhlaw Assistant Finance CEC, samla Laitphar Sengkrem Vice President Jaintia Hills District Unit, u samla Leningrad Tariang Organizing secretary JHDU, bad la don lang ruh u Waheh Raid u ma Elias Susngi, u MDC ka thain u ma Dawan Lyngdoh, u Waheh Shnong Namdong -B u Ma Damian S War, u Waheh Shnong Namdong- A u ma Arky Sumer, u Waheh Shnong Ladmyngor u ma Wili Pasi, u Waheh Shnong ka Nongmulieh u ma Mary Sumer bad kiwei de ki nongshahkhot sngewbha.
la pynshong shit bad pynphuh pynphieng da ki jingshad tynrai na ka Village Organization Mukhnang bad Village Organization Namdong-B. Ia ki kyntien ai khublei la ai da u samla Armyius Sungoh.
