Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun hapdeng ka kynhun ïalehkai jong ka Shangpung Moosyiem pyrshah ïa ka Mookyndur kila poi sha ka jingïakhaid da mar shikol (1-1), ïa ka shikol na ka Shangpung Moosyiem la thep da u Niwanshan Sajem ha ka minit ba 40, katba na ka liang ka Mookyndur la thep da u Jomsing Pariat ha ka minit ba 54.
Ka jingïakhun lashai ka sngi 26.10.2023 kan long hapdeng ka Nangbah Iawmusiang pyrshah ïa ka Demthring ha ka por 12 baje shiteng sngi.