Ka jingialehkai Super Division 2023 bala pyniaid da ka Saipung Block Sports Association (SBSA) kaba la long mynta ka sngi la pynlong ia ki ar tylli ki jingiakhun. Ha ka jingiakhun kaba nyngkong ha ka por 11:30 AM ka la long hapdeng ka Lakasein SC pyrshah ia ka Jarain SC bad ka jingialehkai kaba ar pat ka long hapdeng ka Jalaphet Bri Sumer SC pyrshah ia ka Latyrke.
Ha ka jingialehkai kaba nyngkong ha ka por 11:30 AM, ka kynhun jong ka Lakasein SC ka la lah ban pynliem ia ka Jarain SC da 2-0 kol
SBSA Super Division 2023. Ia ki kol baroh ar tylli la ioh ban thep da u Edamon Palem ha ka minit kaba 66 bad 78.
Ha ka jingialehkai kaba ar kaba la ialeh ha ka por 1:30 PM ka Jalaphet Bri Sumer ka la pynliem ia ka Latyrke da 3-2 kol. Ki nongthep kol na ka liang ka Jalaphet ki kynthup ia u Plidar Dkhar uba la ioh ban thep kol ha ka minit kaba 28, u Ioanis Chyrmang uba la ioh ban thep kol ha ka minit kaba 65 bad u Bing Chyrmang uba la thep kol ha ka minit kaba 82.
Katba ki nongthep kol jong ka Latyrke pat ki long u Bankyrshan Syiemlieh uba la ioh ban thep kol ha ka minit kaba 34 bad u Iaisnoh Dkhar ha ka minit kaba 70 jong ka jingialehkai.
