Ka ophis jong u Superintendent of Police, West Jaintia Hills kum shi bynta ban wanrah ia ka jingsuk bad jingiaid beit iaid ryntih ka leit ka wan bad ka iaid ka ieng ki kali kan sa pyrshang ia ka rukom pyniaid kali ba thymmai na ka bynta shipor ha ki bynta jong ka Iawmusiang ka ban sdang naduh ka 6 tarik mynta u bnai.
Na ka liang ka Traffic Police kala pynbeit ban pynlong One Way naduh na DC Point haduh ban da poi ha lad ïingmane Presbyterian Church ha Mission Compound.
Ym shah shuh ia ki kali ban rung na katei ka lad ïingmane Prebyterian Church Mission Compound ban poi sha Iawmusiang. Namarkata kito ki kali kiba wan na ki thaiñ Iongpiah, Dulong, Lumiongkjam bad kiwei kin hap ban iaid noh na ka surok Chutwakhu ban poi sha Iawmusiang.
Ia ka surok rit (internal road) kaba na Chutwakhu kaba poi sha Meghalaya Studio hajan Sein Raj Parking lot yn pynkylla sha ka One Way Entry Road.