Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong na ka liang ka kynhun ïalehkai jong ka Wahiajer kala lah ban pynliem da 1-0 ïa ka Khliehiongriang, ïa katei ka shikol na ka Wahiajer la thep da u Geoge Ryngkhlem haka minit ba 4, naduh ka kylla step haduh ka kylla miet ka jingïakhun kala long kaba ïakhaid bha ha kaba ka Khliehïongriang kala pyrshang ban pynphai ïa katei ka shikol hynrei kam lah satia tad haduh ba kut jong ka jingïakhun.
Ha ka jingïakhun kaba ar kaba la long hapdeng ka Dulong bad ka Moosalyngkat naka liang ka kynhun ïalehkai jong ka Dulong kala lah ban pynliem da 2-0 kol ïaka Moosalyngkat, ïa kitei ki ar kol na ka Dulong la thep da u Wansa o Laloo haka minit ba 59 bad u Sahame Sumer haka minit ba 69.
Kane ka lympung 1st Division Football Tournament – 2023 kala jam noh sha ka jingïakhun Semi Final.