Ka Union of Cook Cum Helper PM Poshan Meghalaya ha ka CEC jong ka kaba la long ha shnong Mootyrchiah, West Jaiñtia Hills Districts ha ka 03/11/2023 hadien bala kut ka 4th Annual General Meeting jong ka All Jaiñtia Mid-Day Meal Workers Union kala shim ia ka rai ban weng noh ia ka Strike jong ki kaba la sdang naduh ka 16 tarik jong u bnai Risaw (October) 2023.
Hadien kane ka jingweng noh ia ka jingiakhih baroh ki nongshet ja sngi ha ki skul bapher bapher kila pynpaw ba kin sdang biang ia ka kam ban shet ja sngi ia ki khynnah ha ki skul naduh ka 7 tarik u Naiwieng (November) 2023 ka ba dei ka Sngiba-ar (Tuesday).
Kane ka dei katkum ka jingpyllait khubor na ka Seng ki nongshet ja Sngi mynta ka sngi.
