U MP ka Shillong, u ma Vincent H. Pala Mynta ka sngi jong ka 06.11.2023 ula wan ban plie ia kawei ka Khnap Thangbru (jaka ne tyndur thangbriew) kaba dei jong ka Seiñraij Jowai kaba la shna ha Khliehriat Turiem, Khliehtyrshi kaba don harud jong ka surok bah Jowai-Shillong.
U ma Vincent kum u kongsan haba kren u la ai ka jingiaroh ia ka SR Jowai kaba haduh mynta ka la lah ban thaw ne buh ha kiba bun ki jaka kum kine ki jaka thangbriew. U la ong ba kum u MP u la iarap manla ki por sha ka Sein Raij Jowai ha ka jingiadei bad kum kine ki kam kiba myntoi ha ka imlang sah lang bad um pat juh kytait ruh ban noh synniang lem.
U la ong ruh “Haoid ha ka jinglong briew ngi donkam ia ka spah ka phew hynrei kaba kordor tam ka dei ka akor bad ka burom bad kum kane ka khnap thangbru ka dei kaba donkam bha ha kaba iadei bad ka jinglehniam leh rukom ba khatduh ia kiba la khlad noh”.
Ha kane ka sngi la donlang bad la ioh ruh ia ki jingkren na u President barim ka Seiñraij u O.R Challam, u W. Challam uba long u kñi jong ka kur Challam uba la ai sngewbha ruh ia kane ka jaka, u Doloi ka Elaka Jowai ma Puramon Kynjing, Waheh Chnong ka Khliehryrshi u Kitbok Rymbai bad la ioh ia ki kyntien nguhblei na u Pator ka Elaka Jowai, u Raymond Nartiang.
