Ka jingïalehkai phutbol haka kyrdan Super Division Football Tournament 2023 ba la ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium, Dongmihsngi Jowai.
Ha ka jingïakhun na ka liang ka kynhun ïalehkai jong ka 7 Wasa United kala lah ban pynliem da 1-0 kol ïa ka Nangbah Mulang, ïa katei ka shikol na ka 7 Wasa United la thep da u Sucrip Manar haka minit kaba 20.
Ka jingïakhun hapdeng kine ki ar kynhun kala long kaba ïakhaid bha naduh kaba sdang tad haduh ba kut bad na ka liang ka Nangbah Mulang kala pyrshang ban pynphai ïa katei ka sngi kol hynrei kam shem la ïoh lad satia.
La pyntip ba ka jingïakhun lashai ka sngi 7.11.2023 kan long hapdeng ka Sailung Ialong pyrshah ïa ka Mukhla Raij SC haka por 2 baje nohphai sngi.