Ka Prokram ba kyrpang bala ai kyrteng ‘Khadi Mahotsav’ ryngkat ka moto “Khadi for Nation, Khadi for Fashion” yn sa rakhe noh manla u snem nangne shakhmat naduh ka 2 tarik u October haduh 31 tarik u Octorber. Ka jingthmu jong kane ka prokram ka long ban kyntiew ia ka jingpynmih jong ki Khadi, Village Industries, ki Handloom & Handicraft, ki ODOP, kiwei de ki jingpynmih kum ka jingpynmih ia u Kymphad kiba lah ban pynmih napoh ki shnong ki thaw kaba long ruh shi bynta ban kyntiew ia ka jingthmu jong ka ‘Vocal for Local” bad ka Atma Nirbhar Bharat Abhiyan kaba la iohi jngai da u Prime Minister ka ri India u Narendra Modi.
Ha kane ka prokram ka State Office, Khadi & Village Industries Commission, Shillong (Meghalaya) kala pynlong ia ki prokram bapher bapher kum ki Seminar, ki Khadi Yatras, Khasi Charchas, Khadi Pledge & Mini-Exhibition hapoh ka Khadi Mahotsav.
Ha kaba iadei bad kane ka ophis kala pynlong ia ka Seminar halor ka Khadi-Pledge, Khadi Charcha bad ka Khadi Yatra ha ka 20 tarik u October 2023 ha Ummulong Community Hall, West Jaintia Hills, ha kaba u Subir Marak, Chairman ka Meghalaya Khadi & Village Industries Board ula long u kongsan. La iadonlang ki sahep bad ki nongtrei jong ka KVIB, DCIC, MCAB, ki nongpyniaid shnong bad nongshong shnong ka Ummulong.
Ha katei ka sngi ia ki skhim bapher bapher jong ka KVIC la ai jingbatai da u Mange Ram uba dei u State Director ka KVIC, Shillong. Baroh ki sahep sorkar kiba don ha kane ka sngi kumjuh ki nongshong ka Ummulong kila iashim bynta iaroh ia ka jingkiew jong ka ioh ka kot ka ri lyngba ka jingnoh synniang lem jong ka KVIC.
Kane ka long katkum ka khubor bala phah da ka State Office, Khadi & Village Industries Commission, Ministry of MSME (Govt. of India) mynta ka sngi.