Ha ka jingjia jong ka jingshah ïuh kali kaba la jia ha ka 4 tarik mynta u bnai ha ka por 11:50 baje ei ei mynstep ha Sahdaloi Thadmuthlong Phramer, West Jaintia Hills haduh mynta ym pat lah ba ithuh ne tip ia ka met jong utei u rangbah uba la don ha ka rta kaba 35 haduh 45 snem ei ei namar ym pat don ba wan kam ia katei ka mep iap.
Ki Pulit ka West Jaintia Hills ki iathuh ba une u rangbah u la shah ïuh ha kawei na ki trok 12 shaka ha u surok bah NH-6 ha ka jaka ba la tip Sahdaloi Thadmuthlong Phramer. Ha kane ka jingjia utei u rangbah u la mynsaw ha ki bynta jong ka khlieh bad khlad noh hashen. La suba ba une u rangbah u lah ban dei na ki jait bynriew riewlum.
Kumta ki Pulit jong ka West Jaintia Hills ki buh ka jingkyntu ia kino kino kiba ithuh ne don jingtip shaphang une u rangbah ba kin sngewbha ban phone ha kine ki number bala ai. Ka number 7005131566 kaba dei jong u SI bah S. Dkhar uba dei peit ia ka Case bad 9774065467 jong ka PCR Jowai.