Ka Sengkhihlang ka la pynlong ia ka General Meeting jong ka ha ka sngi 21/10/2023 ha ka office treikam jong ka Seng Bah ki nongshad nong khieñ ha Bañium East Khasi Hills District, ha kane ka General meeting jong ka Sengkhihlang la wan ban ia shim bynta da ki Secretary/President/Langdoh Niam bad ki dkhot jong ki tnad Sengkhasi bad Seiñ Raij bapher bapher, ha kane ka General Meeting u General Secretary u la pule ia ka General Report ne ka report treikam jong ka Sengkhihlang, bad la ioh ban ia pule ia ka jingioh bad ka jinglut jong ka Sengkhihlang, te kumta hadien ka General report la ioh ban pynthymmai ia ki nongkitkam jong ka Sengkhihlang na ka bynta ka Samoi treikam ba 3 snem naduh u snem 2023 haduh u snem 2025.
Ia kane ka jingiajied ia ki nongkit kam ba thymmai ka Sengkhihlang la pyniaid ia ka da u Chairman ba shipor u ba dei u President ka Sengbah ki nongshad nongkhieñ bad u Langdoh Niam ka Seiñ Raij Mukhla kum u nongbuh ia ki jingthoh, kumta ki paidbah ba wan sha kane ka jingialang ka Sengkhihlang ki la jied biang ia u Rgh, H. Robin Kurbah ba un long biang u President ka Sengkhihlang na ka bynta ka samoi ba 3 snem, ia u General Secretary ki paidbah da kawei ka jingmut ki la jied biang ia u Rgh, Mario Biam ba un shimti biang ia ka kam General Secretary ka Sengkhihlang, bad la jied ruh u Rgh, Moses Lyngdoh, Rgh, Marshan Lyngdoh Mawphlang kum ki Vice President ka Sengkhihlang, la jied ruh ia u Rgh, Welcome Kurbah, Rgh, Heipormi Lyngdoh kum ki Asst. General Secretary ka Sengkhihlang, la jied ruh ia ka kong, Santina Lyngdoh Mawlong kum ka Treasurer, la jied ia u Rgh, Standbyme Sari kum u Publicity Secretary ka Sengkhihlang bad la jied ruh ia Rgh, Hamar Kharmar kum u Secretary jong ka Art & Culture bad ia u Rgh, Tiplem Sumer kum u Chairman jong ka Art & Culture jong ka Sengkhihlang, la jied ruh ia ka Auditor jong ka Sengkhihlang da u Rgh, Wanbha Lyngdoh bad ka kng Mira Dkhar.
Ha ka juh ka por ruh la jied ia ki executive members jong ka Sengkhihlang na ki tnad Sengkhasi bad Seiñ Raij bapher bapher mynta ka sngi. Kane ka long ka jing pynbna sha phi ki tnad Sengkhasi bad Seiñ Raij bapher bapher ba ka Lympung ba 34 jong ka Sengkhihlang kan long ha ka Seiñ Raij Wahiajer ha ka 19,20,21-04-2024.
Kane ka long katkum ka jing pyllait khubor u Rgh, S. Sari, Publicity Secretary ka Sengkhihlang.