Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun naka liang ka kynhun ïalehkai jong ka Sailung Ialong kala lah ban pynliem da 3-1 kol ïa ka Mukhla Raij, ïa kitei ki kol na ka Sailung Ialong la thep da u Hep Dkhar haka minit ba 39, u Madan War haka minit ba 51 bad u Sandeep Siangshai haka minit ba 71, katba na ka liang ka Mukhla Raij ïa ka shikol la thep da u Timmy Ryngkhlem haka minti ba 55.
La pyntip ba ka jingïakhun mynta ka sngi 8.11.2023 kan long hapdeng ka Shangpung Lumiawmushai pyrshah ïa ka Mynthong haka por 2 baje nohphai sngi.