Kum shi bynta ban rakhe ia ka jingwan jong ka taiew ka Gaurav Jan Ratiya Divas (Tribal Pride Week) ka Department of Arts & Culture ha ryngkat ka Shillong Public School kila pynlong ia ka State level Inter School Traditional Singing Festival cum Competition ha Larity Performing Centre ha ka 9 tarik mynta u bnai, ban ailad ai bynta ia ki khynnah skul kiba dang khie dang san ban pyni ia ka sap jong ki ha kaba iadei bad kane ka phang.
Ka KC Lights Choir kaba dang shu jop shen haduh 2 tylli ki takma Ksiar ha ka jingiakop jong ka International Choir Competition kala wan ban iashim bynta lang ha kane ka prokram.
U bah F.R. Kharkongor Commissioner & Secretary Arts & Culture ka sorkar jylla ula sam ia ki khusnam sha ki skul kiba jop ha kane ka jingiakop rwai solo, ula pyntip ruh ba ki nongjop ha kane ka prokram kin ioh ban leit iashim bynta ha ka Inaugural Jan Jatiya Gaurav Divas programme ha ka 15 tarik u Naiwieng bad ruh ha ka Tri Hills Ensemble programme ka ban sa long ha ka 24 tarik ka ban sa pynlong da ka Department of Arts & Culutre ka sorkar jylla.
