Ka lympung ïalehkai jong ka kyrdan Super Division Football Tournament 2023 kaba la long ha kane ka sngi saitjaiñ ha madan Deinchynrum, Khliehriat bala pynïaid da ka East Jaiñtia Hills District Football Association (EJHDFA).
Haba phai sha ka jingïakhun kaba nyngkong na ka liang ka kynhun ïalehkai jong ka Sutnga SSCC kala lah ban pynliem da 4-0 kol ïa ka R.Wahshnong SC, ïa kitei ki kol na ka Sutnga SSCC la thep haduh lai kol (Hat trick) da u Onio Sutnga haka minit ba 5, 45+3 & 87 bad u Ioanis Suchen ula ïoh ban thep haka minit ba 44.
Ha ka jingïakhun kaba ar ka kynhun jong ka R. Shkenshynriah SC kala pynliem da 2-0 kol ïa ka R.Iawpynsing SC, ïa kitei ki ar kol na ka R.Shkenshynriah SC la thep da u Hikaidame Bareh haka minit ba 45+1 bad u Obadaia Bareh haka minit ba 86.
Ka jingïakhun haka 14.11.2023 kan long hapdeng ka Khliehriat West YWSC pyrshah ïa ka Thangskai Tiger SC bad ka Dhana SC pyrshah ïa ka Moolamanoh SC.