Hapdeng ka jingiaid jong ka jinglehniam Diwali hapoh ka ri India bad ha kiwei de ki bynta jong ka pyrthei, kaba la iashim bynta da ki riew ngeit Hindu, mynta ka kynti ka Sorbah Ayodhya ka ioh ban bat ia ka nam Guinness World Record halor ka jinglah ban thang bun eh ki sharak ba pyndonkam da ki khiew khyndew (earthen oil lamps).
Ia kane ka nam ka Guinness Book of World Record kala ai ia katei ka sorbah hadien ba la dep ban niew ia ki sharak ba la thang harud jong ka wah Saryu, kaba dei ka jaka ba la kha ia u blei Ram, kum ka dak jong ka jingrakhe ia ka jinglehniam Diwali.
Ha kane ka kynti la lah ban thang haduh 2.2 million tylli kaba ia ryngkat haduh 22 lak tylli ki sharak, ia kane la iathuh da ka State Tourism Department jong ka Jylla Uttar Pradesh.
Ha kane ka jingthang ia ki sharak la iashim bynta da ki 24 hajar ngut ki volunteer, khambun na ki, ki dei ki samla pule college da ka jingthmu ban ioh ia kane Records.