Ka Pasadwar Cluster Sports meet (PCSM) ka la ioh ban rakhe ia ka sngi kyrpang ki hep barit ka ba ngi tip ka Childrens’ Day, ha ka 14.11.2023 ha compound ka skul Pasadwar UP School.
Ha kane ka sngi la ioh shibun ki jingpynbyrnia na ki nonghikai jong ki 9 tylli ki skul kiba hap hapoh ka cluster, naduh ka Kharkhana UPS, Pasadwar UPS, Lumpyngngad UPS, Kharkhana Govt LPS, Pasadwar Govt, LPS Lumpyngngad non Govt LPS, Lumpyngngad Presbyterian LPS, Lumpyngngad RCLPS bad ka Kamsing LPS.
U kongsan ha kane ka sngi u dei u Bah Salan Swer uba dei u ophisar ba incharge ia ka Pasadwar Range Forest officer, ha ka jingiadon lang u waheh chnong Pasadwar Bah Firstborn Pamblang, waheh chnong Lumpyngngad Bah C.Talang, ki nongkitkam shnong na ki shnong ba marjan, ki kmie ki kpa ki khynnah skul bad kiwei kiwei.
Ha kane ka sngi ki nonghikai na baroh kitei ki skul ki la ia shim bynta na duh ka rwai ka siaw, ka shad bad ki short skit ban pynthynda jabieng ia ki khynnah skul ha shwa ban poi ka examin phainal jong ki.
