Ka ophis jong u District Sports Officer (DSO), ka West Jaiñtia Hills District, Jowai ha ryngkat ka jingïatreilang bad ka West Jaiñtia District Sports Association, (WJDSA) shen kin sa sdang ïaka “Open Volleyball Championship – 2023” ha ka 20 tarik u Naiwieng naka bynta ki shynrang bad ki kynthei.
Ïa kane ka lympung yn pynïalehkai ha Lion Mission Compound (Pohskur) Jowai, ha kaba la pynbynta ha ki ar tylli ki Pool kata ka Pool-A bad Pool-B.
Ha ka Pool-A yn kynthup ïa ka (1) Spikers (2) Lion Mission Compound Dorbar Shnong (3) Chullai Brothers Chutwakhu (4) Madankynsaw Mawkyndeng Knorsyiem. Ha ka Pool-B pat ki long ka (1) Kiang Nangbah Govt. College (2) Khimusniang (3) Lion Sports & Youth Affairs (4) Iakrehlang SC Nangbah.
Ha ka sngi sdang jong ka 20.11.2023 kan don haduh 6 tylli ki jingïakhun.