Ka IIM Shillong kala pyntip ba ia ka Business Leadership Summit (BLS) 2023 kaba 6 la pynlong ha nongbah Shillong ha kaba u Dinesh Kumar Khara uba dei u Chairman jong ka State Bank of India (SBI) ula wan ban plie ia kane ka jingialang.
Kane ka prokram kan neh ar sngi bad ka phang jong ka, ka long “Evolving Horizons of Global South: Navigating the Confluence of Technology, Talent, and Transformation in Indian Context,” bad ka jingthmu ka long ban wan rah shijaka ia ki 30 CXOs na ki industry bapher bapher hapoh ka ri India. Kane ka summit ka long ruh ban ai lad ia ki nongialam jong ki karkhana (industry) bad ki khynnah skul ban iakren bad pule shaphang kata ka ‘Corporate World’ ne ka kam khaïi pateng da ka pynleit jingmut halor ka jinglah jong ka ri India ban kyntiew ia ka khaïi pateng ha ka pyrthei.
Hadien jong kane ka BLS 2023 ka IIM Shillong kan sa pdiang ruh ban pynlong ia ka samoi ba 14 jong ka “Learning on the Green Turf” kaba dei ka Golf Tournament ka ban sa sdang naduh ka 18 tarik mynta u bnai ha Shillong Golf Course.
Ia kane ka BLS 2023 la wan ban pynhap pyrda mynta ka sngi da u Prof. Ashutosh Murti.
