U Chief Minister ka Meghalaya u Conrad K Sangma ryngkat bad u Union Minister of State ba dei khmih ia ka Tourism u Shripad Yesso Naik mynta ka sngi kila plie pyrda ia ka International Tourism Mart (ITM) ba 11 ha nongbah Shillong. Kane ka iew kaba la sdang mynta ka sngi kan neh haduh 3 (lai) sngi lynter ha Lariti International Centre for Performing Arts and Culture.
Ha kane ka kynti ki don haduh 28 ngut ki nongiashim bynta na ki 18 tylli ki ri jong ka pyrthei. Ki don ruh haduh 50 ngut ki nongthied na ki bynta bapher bapher jong ka ri India.
Kane ka ITM mynta ka kynti ka long ruh kaba kham pher namar ba ka pynleit jingmut kumno ban wanrah ia ka mariang kaba khuid ba suba. La khang ban pyndonkam ia ki pla plastic, ka la don ka jingpynduna ia ka jingpyndonkam ia ki kot ne ki kot sada bad kan sa don ruh ka jingthung dieng.