Ka Smt. Mariamma Thomas kala wan ban shimti kum ka Chief Postmaster General ba thymmai jong ka North East Postal Circle. Ka North East Postal Circle ka kdup haduh 4478 tylli ki Post Offices kiba don ha kylleng ka jylla Meghalaya, Arunachal Pradesh, Tripura, Manipur, Mizoram bad ka jylla Nagaland bad ka don ia ka jaka treika (Headquarter) ha nongbah Shillong.
Ka Smt. Mariamma Thomas ka dei ka 1994 Batch Officer jong ka Indian Postal Service bad ka trei ha kylleng ki bynta jong ka ri India kum ha Karnataka, Kerala, Telangana, Maharashtra, Tamil Nadu bad Goa.