Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun naka liang ka kynhun ïalehkai jong ka Nangbah Mulang kala lah ban pynliem da 3-1 kol ïa ka Shangpung Lumiawmushai ïa kitei ki lai kol na ka Nangbah Mulang la thep da u Woldrick Susngi haka minit ba 48, u Albert Lyngdoh haka minit ba 53 bad u Chanhok Siangshai haka minit ba 61. Katba ïaka shikol naka Shangpung Lumiawmushai la thep da u Mewatki Sungoh haka minit ba 56.
La pyntip ba ka jingïakhun haka 27.11.2023 kan long hapdeng ka Khimusniang pyrshah ïaka Mynthong haka por 1 baje shiteng nohphai sngi.