Ka Hynñiewtrep Integrated Territorial Organization (HITO), Laskeiñ Block Circle hapoh ka jingialam u President u samla K. Niang kala leit ban buh ia ka jingujor sha ka office jong u Divisional Forest Officer Jowai hadien ba la ioh ia ka jingujor na ki paidbah jong ka thaiñ Laskeiñ Block bad na ka liang ka seng kala shim ia kane sa sein jam ban ujor shisyndon sha ka office u DFO ban khang ia katei ka jingtih bad sei Shyiap na ka wah Myntang da kaba la pyndonkam da ki Machine khlem da ioh bor na ka tnad forest, kaba long pyrshah iaka aiñ.
Naka liang ka HITO ka la ong ba kan nym lah ban pdiang ia katei ka jingleh donbor jong ki katto katne ki riew shim kabu kiba pyrshang ban iaid lait ia ka aiñ bad khamtam ha kaba iadei bad ka jingpynjulor ia ki um ki wah bad ka mariang hi kumjuh, la pynkut ka kyrwoh ba la phah.