Ka lympung ïalehkai jong ka kyrdan Super Division Football Tournament 2023 kaba la long mynta ka sngi ha madan Deinchynrum, EJHD bala pynïaid da ka East Jaiñtia Hills District Football Association (EJHDFA).
Haba phai sha ka jingïakhun kaba nyngkong naka liang ka kynhun ïalehkai jong ka Dhana SC kala lah ban pynliem da 3-0 kol ïa ka R.Iawpynsing SC (FT), ïa kitei ki kol naka Dhana SC la thep da u Harita Suchen haka minit ba 10, u Pynioo Dkhar haka minit ba 45+ bad u Yeslang Lamo haka minit ba 69.
Katba haka jingïakhun kaba ar ka kynhun jong ka Sutnga SSCC kala pynliem da 2-1 kol ïaka Thangskai Tiger SC (FT), ïa ki kol naka Sutnga SSCC la thep da u Neesta Feeco Bamon haka minit ba 14 bad u Onio Sutnga haka minit ba 39. Na ka liang ka Thangskai Tiger SC la thep da u Sooki Syrti haka minit ba 89.
Ka jingïakhun haka 01.12.2023 kan long hapdeng ka R. Shkenshynriah SC pyrshah ïa ka Moolamanoh SC bad ka R. Wahshnong SC pyrshah ïaka Khliehriat West YWSC.