Ka seng Meghalaya People United Front (MPUF), mynta ka sngi kala pynlong ia ka jingialang kaba kyrpang halor ka jingdap snem jong ka kaba ka kot sha ka 13 snem jong ka jingshakri jong ka seng sha ki paidpah hapoh ka ri lum Khasi Jaiñtia. Ia kane ka jingialang la pynlong ha ka High Wind Restaurant ha Thadlaskein.
Ha kane sngi la don ka jingialang kaba lyngkot ha ka jingiadon lang ruh ki nongialam seng bapher bapher na ri Lum Jaintia bad na kiwei de ki District jong ka Jylla kiba kynthup ia ki nongialam jong ka JYF, HYC bad kiwei de.
U nongialam ba hakhlieh duh jong ka seng MPUF u ma Dapoiwanmi Laloo, ha ba kren u la ong ba ka seng hi baroh kawei ka dap da ka jingkmen ban ioh ban rakhe ia kane ka sngi dap 13 snem, hynrei ha ka jingiaid lynti ka seng ka ia kynduh shi bun ki jingeh kiba ym lah shuh ban jer, hynrei na ka liang ka seng ka don bad ka ieng iala ka jong ka thong na ka bynta ban shkri ia ki paidbah bad ban ai ruh ka jingiarap katba lah ka bor sha ki ba duk ba rangli.
U la ong ruh ba ka seng kan iai bteng ia ka jingshakri ia ki paid ka ri bad ka jait bynriew bad lyngba ka jingshakri hok u Blei un don ryngkat bad un ialam hi ma u, ong u ma D. Laloo.
Ha kane ka sngi la donlang ruh u ma Kyrshan Blah President MPUF EJHD, ma Ombormi Tariang President JYF, ma Paila Lyngkot bad kiwei de.
