Ka All Jaiñtia Muster Roll Workers & Labour Union (CEC) Jowai, ka khot bad wer ïa baroh ki nongtrei (Muster Roll) ha ka tnad PHE (RWS & Electrical Division) hapoh ka West & East Jaiñtia Hills District ban wan sha ka jingïalang ka ban long lashai ka sngi 8 tarik u Nohprah, 2023 haka por 10 waje mynstep thik ha Yungwalieh ka Loomïongkjam Jowai.
Kane ka jingïalang bala khot da ka All Jaiñtia Muster Roll Workers & Labour Union (CEC) Jowai, ka long shi bynta ban pynbeit ïa ki jingeh jong ki nongtrei Muster Roll hapoh jong katei ka tnad katkum ki kyndon aiñ na ka bynta ka jingbha jingmiat ha ka rukom treikam bad ka hok kaba ki dei ban ïoh lang kumba long kiwei.
La pyntip ba ïa kane ka jingïalang kaba long kyrpang naka bynta kiba trei Muster Roll ka PHE ban ïoh ïakren ha kaba ïadei bad ka pisa kaba dang sah jong ki ha kine ki bnai bala dep, ka MRCW 1996, ban pynkiew bai nongsngi ïa kiba la trei palat san snem, ka MBOCWB bad kiwei de ki kam kiba lah ban ïoh jingmyntoi.
Halor kane la kyrpad ïa ki nongtrei nongsngi (Muster Roll) haka tnad PHE ba kin wan khnang sha katei ka jingïalang la pynkut ka kyrwoh na ka General Secretary ka kong Hunbeitki Dkhar.