Ka kynhun ïalehkai jong ka 12 Dolloi FC kala long syndon ka lahduh ha ka jingïalehkai phutbol bala tip kum ka ‘1st Open To All Veteran Football Tournament 2023′ na ka bynta kiba kot 40 snem shaneng ïa kaba la pynïaid da ka East Jaiñtia Hills District Football Association (EJHDFA) ha madan Deiñchynrum, Khliehriat.
Haba phai sha ka jingïakhun phainal mynta ka sngi hapdeng ka kynhun jong ka 12 Dolloi FC pyrshah ïa ka Ar Dolloi FC, na ka liang ka 12 Dolloi FC kala jop da 2-0 kol, ïa kitei ki kol la thep da u Gerald Pdang haka minit ba 32 bad u Rapdamewan Papang haka minit ba 57.
Ha kane ka sngi la sam ruh ïa ki khusnam sa ki nongjop da u ma Andrico Rymbai (Adviser ka EJHDFA), haka jingdonlang u ma Joshua Sajem (Vice President EJHDFA) ki dkhot ka Association nalor kiwei de.
Na ka bynta ka kynhun kaba ïoh rah ïa ka nam jop ha kane ka lympung mynta u snem kala ïoh rong ïa ka song pisa kaba T.30,000/- tyngka lem bad ka Trophy, katba ka kynhun kaba wan ba ar kala ïoh rong T.20,000/- tyngka lem bad ka Trophy.
