Ka lympung ïalehkai phutbol kaba la tip kum ka “3rd Sniawbhalang Dhar Football Tournament 2023” kaba la long mynta ka sngi ha madan Wahiajer Stadium Wahiajer West Jaiñtia Hills District.
Haba phai sha ka jingïakhun kaba nyngkong hapdeng ka Ummulong pyrshah ïaka Nartiang kila poi sha ka jingïakhaid da mar shikol (1-1). Ïa ka kol naka Ummulong la thep da u Mebanker Challam haka minit ba 11. Na ka liang ka Nartiang pat la thep da u Samborlang Nongtdeh haka minit ba 41.
Ha ka jingïakhun kaba ar ka Thadmynri kala jop khlem ka jingïakhun (walk over) ïa ka Lumlakhiat. Ha ka jingïakhun kaba lai ka Moorap kala lah ban pynliem da 3-2 kol ïa ka Myrjai, ïa ki kol na ka Moorap la thep da u Arkini Laloo haka minit ba 8, u Johny Sari haka minit ba 39 bad u Emlang Lamare haka minit ba 47. Na ka liang ka Myrjai la thep da u Jumanki Phawa haka minit ba 63 bad u Chemphang Kharsohnoh (own goal) haka minit ba 65.
Katba ha ka jingïakhun kaba saw ka Umjlasiaw kala pynliem da 2-0 kol ïa ka Nongmulieh Sehlama, ïa kitei ki ar kol na ka Umjlasiaw la thep da u Baiahun Tariang haka minit ba 18 bad u Saibok Tariang haka minit ba 65.
Ka jingïakhun na ka bynta lashai ka sngi 12.12.2023 kab long hapdeng ka Nartiang pyrshah ïaka Sohphoh haka por 2 waje nohphai sngi.