Ka Shnong Panaliar, Jowai hynnin ka sngi kala ioh ban pyllait paidbah ia ki Ticket Lucky Draw jong ka ia kiba yn sa pynkhalai ha ka sngi ba pynlong ia ka FETE shnong ha ka 10 bad 11 tarik jong u December 2021 kaba long shi bynta ban pynmih pisa ia ka shnong.
Ia kine ki Ticket la pyllait paidbah da u ma Elad Pohshna, Assistant Executive Engineer, MeCEL, West Jaiñtia Hills District, Jowai, ha ka jingialang kaba la pynlong ha Iungwalieh ka Shnong Panaliar kaba la pyniaid da u Waheh Shnong ma Riquoma Rq Laloo.
Na ka liang ki nongpyniaid shnong kila khot sngewbha ia ki nongshong shnong jong ka nongbah Jowai kiba na jan bad na jngai ban iapoi pynshit pynsyaid ia katei ka FETE ka ban sa pynlong ha u bnai December khnang ba ki jingthmu jong ka shnong kin long kiba jop.