Ka Seiñ Raij Pammanik ka khot sngewbha ia phi ki khun ka Rilum 12 Daloi na ki tnad Seiñ Raij bapher bapher ba phin sngewbha ban wan iasakhi lang ha ka 26/12/2023 ha ka por 10:00 ha ka jingrakhe dap 7 Snem ka jingsei ia u Mawbynna Sahnam ban rah sha ka Lympung Sengkhihlang da ka Seiñ Raij Muthlong, kumta na ka Liang jong ka Seiñ Raij Pammanik ka khmih lynti ba phin iawan ia synran lamg ha katei ka sngi.
Ka pokram ha kane ka sngi ka long kumne harum
1. Ka jingia iaid kjat naduh na jaka ba sei ia kine ki mawbynna haduh ha madan ïng skul Government L.P School kaba jngai 1 Km.
2. Ka Nguh ka dem Blei ka shuit ka Shoor da ka um u khaw.
3. Ki Program kiba pher bapher yn pyndep ia ki ha madan Govt. L.P School baroh shi sngi.
Ka Seiñ Raij Pammanik ha ka juh ka por ruh ka mana ba kam shah ia ki nongdie jingdie kiba nabar ban wan die tiar bam bad ki Ice Cream ha katei ka sngi.
Kane ka long katkum ka jing pyllait khubor u Rgh, R. Dhar General Secretary ka Seiñ Raij Pammanik.