Mynta ka sngi ka 30/12/2023 ka Jaiñtia National Council (JNC) ka la rakhe don burom iaka sngi khlad ba 161 snem jong u khla wait ka Ri lum Jaiñtia u Woh Kiang Nangbah ryngkat bad ka buh syntiew ha u mot sahnam u Kiang Nangbah ha Khliehriat.
Ha kane ka Sngi u President rangbah ka JNC bah Sambormi Lyngdoh haka jingialang ba Lyngkot u la ong ba “la don mynta ki kynhun kiba thmu ban ialam bakla iaka Jaidbynriew dakaba Ong ba lah dei noh ka por ban ai jait noh sha u kpa”.
U President rangbah ka seng Ula pynrem jur iakane ka jingleh jong kine ki kynhun bad u la ong ruh baka seng hi kan nym ai lad ia kum kine ki kynhun kiba thmu ban pyniapher ia kaei kaba u barim u la hikai. Ka kmie jong u Woh Kiang Nangbah kadei ka Rimai Nangbah bad la sngewthuh lypa ba naduh ki por mynshwa ruh lah hikai ba ka jait hi ngi ai sha la ka kmie, bad wat juh pyrshang ban ialam bakla tang naka bynta ki jingmyntoi shimet jongno re jongno.