Ki Sengbhalang bapher bapher napoh East Jaintia Hills District kiba kynthup ia ka EJNC, JSM, JSU, KSU, FKJGP & HNYF hadien ba la ioh ia ka khubor ba kala don ka jingthmu jong ka Sorkar Jylla ban kynriah kam noh ia u Deputy Commissioner (DC) jong ka East Jaintia Hills District u bah E. Kharmalki, kila pynlong iaka jingialang ba kyrkieh ban ia pyrkhat halor ka katei ka jingthmu jong ka Sorkar Jylla ha katei ka jingialang da kawei ka sur ki lah rai ban pyrshah ia katei ka jingthmu jong ka Sorkar Jylla ban kynriah kam noh ia u tei u khlieh jong ka District.
Kine ki sengbhalang ki pynpaw halor ka Nongrim ba ki don ka jing iohi jngai ba ka jingkynriah kam ia ki Officers khlem pat kut ka Samoi treikam jong ki, ka pyntlot bad ka pynsahteng ia ki kam pynroi hapoh ka District, kum ki Sengbhalang napoh EJHD ki la sakhi ba ka jingshakri jong u hah E.Kharmalki kum u DC ka EJHD kalong ka jingkyrkhu ia ka District namar u ne u DC u don ka jingiadei kaba iajan bha bad ki nongshong jong ka District bad u long u ruh u briew uba kloi ban iarap ia kiba shem jing eh.
Kine ki Sengbhalang ki kyntu ia ka Sorkar Jylla ban pynsangeh noh ia kane ka jingthmu jong ka ban kynriah kam noh ia u DC ka EJHD bad lada ka Sorkar ka iaid beit shakhmat na ka liang jong ki kin sa pynbna noh shi syndon da ki jingiakhih kiba tyngeh.
