Ka lympung ïalehkai phutbol ba la tip kum ka “3rd Sniawbhalang Football Tournament 2023” kaba la long mynta ka sngi 4 tarik u Kyllalyngkot ha madan Wahiajer Stadium Wahiajer West Jaiñtia Hills District.
Haba phai sha ka jingïakhun ba nongkong na ka liang ka kynhun ïalehkai jong ka Sohphoh kala lah ban pynliem da 3-0 kol ïa ka Umbluh, ïa ki kol na ka Sohphoh la thep da u Livingstar Suting haka minit ba 21, u Habandajop Khynriam haka minit ba 35 bad u Sumarbha Suting haka minit ba 44.
Katba ha ka jingïakhun kaba ar ka Ummulong kala pynliem da 6-0 kol pyrshah ïa ka Khanduli, ïa ki kol na ka Ummulong la thep da u Daman Shullai haka minit ba 5, 48 & 52, u Mebanker Challam haka minit ba 10 & 39 bad u Edie Pyngrope haka minit ba 66.
La pyntip ba ka jingïakhun lashai ka sngi 05 tarik u Kyllalyngkot kan long hapdeng ka Tamu pyrshah ïa ka Lumrot haka por 12 baje mynsngi, katba ka Nonglatem pyrshah ïa ka Namdong-A haka por 2 baje nohphai sngi.