Ka ophis jong u Chief Electoral, Election Department, Meghalaya la pyntip ba la dep ban pynmih paidbah ia ka Final Electoral Roll kaba la shim ia ka 01.01.2024 kum ka sngi kheiñsnem na ka bynta ki 60 tylli ki Assembly Constituency hapoh ka jylla mynta ka sngi.
La pyntip ba katkum ba paw ha kane ka Final Photo Electoral Roll ki don haduh 22,17,100 ngut ki nongthep vote ha baroh kawei ka jylla. Kala don ka jingkiew jong ki nongthep vote da 30,949 ngut haba nujor na ka jingpynmih nyngkong ia ka Draft Roll ha ka 27.10.2023 kaba kot 21,86,151 ngut ki nongthep vote.