Ka kynhun ïalehkai jong ka Wahiajer bad ka Tyrchang kila ïoh ban rung sha ka ‘Quarter Final’ jong ka lympung ïalehkai phutbol bala tip kum ka “3rd Sniawbhalang Football Tournament 2023” hadien ka jingjop jong ki mynta ka sngi 6 tarik u Kyllalyngkot ha madan Wahiajer Stadium Wahiajer West Jaiñtia Hills District.
Haba phai sha ka jingïakhun ba nyngkong na ka liang ka Tyrchang kala lah ban pynliem da 5-4 kol ïa ka Kdohkule lyngba ka jingïashut Tie Breaker, hadien ka jingïakhaid da mar shikol hapoh ka por ba la buh, ïa ka kol na ka Kdohkule la thep da u Lamphrang Suting haka minit ba 20, katba na ka Tyrchang la thep da u Willfare Lamare haka minit ba 29.
Ha ka jingïakhun kaba ar ka Wahiajer kala lah ban pynliem da 3-0 kol ïa ka Nongsutnga, ïa ki kol na ka Wahiajer la thep da u Oliver Pale haka minit ba 3, u Riburom Jat haka minit ba 34, bad u Gideon Mukhim haka minit ba 67.
La pyntip ba ka jingïakhun ‘Pre Quarter’ haka 8 tarik u Kyllalyngkot kan long hapdeng ka Kremmyrsiang pyrshah ïa ka Myngkrem haka por 12 baje mynsngi, katba ka Mynsngat pyrshah ïa ka Thadmynri haka por 2 baje nohphai sngi.