Ka National People’s Youth Front (NPYF) 1-Nartiang Constituency ha ka 5th January 2024 ka la ioh ban pynlong ia ka jingjied (Audition) ia ki nongiashim bynta sha ka 1st 1-Nartiang Constituency Miss, Mr & Mrs contest ka ban long ha ka 23rd January 2024 ha Wahiajer kaba dei ruh ka sngi ban pynlong ia ka Final Football Match jong ka 3rd Sniawbhalang Football Tournament 2023-2024.
Kane ka jingiakop kaba don 3 bynta, kata ia ki samla kynthei, ki Shynrang bad ki Longkmie ki ba dei ki nongshnong shnong jong ka 1-Nartiang constituency. la kane ka jingiakop la pynlong ka da ka jingiarap jong u M.L.A ka thaiñ u ma Sniawbhalang Dhar u ba dei ruh u symbud Myntri Rangbah ka Sorkar Meghalaya.
Ia ka jingjied (Audition) ia ki nongiashim bynta ha katei ka sngi la wan ban bishar da I kong S . D Shylla i ba dei i District Tourism Officer jong ka West Jaintia Hills District ha ryngkat ka jingiadon lang i bah Kmenlang Shylla bad ki nongkitkam ka NPYF 1- Nartiang Constituency.
Ki la don kumba 76 ngut ki ba wan ban ia shim bynta ha kane ka Audition ha baroh 3 bynta. Hadein ba la dep ia ka Audition la jied kumba 30 ngut ki ban ia shim bynta ha ka final bad kine ki long 10 ngut ha ka jingiakop Miss, 10 ngut ha ka Mr bad 10 ngut ha ka Mrs 1- Nartiang Constituency.
Kumban shu pynkynmaw, ka khusnam naka bynta ki nong jop ki long kumne harum: Miss 1 Nartiang Constituency 1st Prize : 50,000/- , 2nd Prize : 30, 000/- , 3rd Prize : 20,000/- . Mr 1 Nartiang Constituency 1st Prize : 50,000/- , 2nd Prize : 30, 000/- , 3rd Prize : 20,000/-. Mrs 1 Nartiang Constituency 1st Prize : 30,000/- , 2nd Prize : 20,000/- , 3rd Prize : 10,000/-.