I Additional Deputy Commissioner (Supply), West Jaintia Hills District ila pynbna paidbah ba la dep ban pyllait ïa u khaw AAY, PHH bad u Non-NFSA na ka bynta u bnai Kyllalyngkot 2024, sha baroh ki Wholesaler na ka bynta ban pynpoi sha ki FPS Centres naduh 10 tarik Kyllalyngkot, 2024 haduh 15 tarik u Kyllalyngkot, 2024.
Ia ka bhah jong u khaw AAY yn sam ha ka jingthew kaba 35kg shi ïing, khlem da hap ban siew.
Ia u khaw PHH yn sam ha ka jingthew kaba 5Kg shi khlieh, khlem da hap ban siewdor.
Katba ïa u khaw Non-NFSA yn sam ha ka dor 14/- shi Kg.
Kumta, la bthah ïa ki Fair Price Shop Dealers ba kin leit shim ïa ki permit na ka ophis jong u DC (Supply) bad ban sam pyndep ïa u khaw hapoh ka 10 tarik Rymphang, 2024, khlem pep, da ka ba pyndonkam ïa ki e-Pos machine da ka online mode.