Ka tnat ka koit ka khiah jong ka sorkar jylla mynta ka sngi kala pyntip ba ki briew kiba la ngat thymmai (COVID-19 positive) ha ka jylla baroh kawei ki don 37 ngut, kiba la koit na ka jingpang ki don 34 ngut, ym don ki ba khlad na kane ka jingshitom.
Haba lum jingkheiñ ia baroh ki test ba la pynthikna Positive naduh ba sdang haduh mynta ki don 84,117 ngut, kiba la koit na kane ka jingpang ki dong 82,386 ngut. Kiba dang long Positive haduh mynta ki don sa 266 ngut bad kiba khlad baroh naduh ba sdang ki long 1465 ngut.
Na Ri Lum Jaintia: Na East Jaintia Hills ba ioh pang thymmai i wei, ym don ki ba dang koit bad ym don ruh ba khlad mynta ka sngi. Na West Jaintia Hills ruh don tang iwei ba ngat thymmai, hangne ruh ym don ba koit bad ym don ru kiba khlad mynta ka sngi.
Katkum kane ka kaiphot ka paw ba mynta ka sngi hapoh ka jylla kiba bun eh kiba ngat thymmai ha une u khniang jingpang Covid-19 ka dei ka East Khasi Hills ki don 20 ngut bud sa ka sa ka East Garo Hills District 7 ngut.
